"tufano se bachate hue apni kashti ko,
aage chalte rahe the hum , 
har baar bavandar ki shikast mein bhi aaye,
zindagi shayad har bavandar pe kuch sikha rahi thi,
bahar nikalte the , to pyari si dhoop and swachand akash mein
pakshi ke jaise udne ke sapne dekhne lagte the,
thoda udte aur fir doosra bavanadar mein ghus jaate,
toote nai the kabhi hum, kyunki humesha bahar nikalte ja rahe the,
dheere dheere ye mehsoos hone laga ki  jeevan mein bavandar khatam kabhi nai honge
shayad hum jab nai bhi honge tab bhi bavandar ke sath hi honge
kya pata tha bavandar se nikaal ke samndar mein laaye jayenge
jo bada hoga , sundar hoga , kabhi osse bahar jane ka khud mun nai karega,
vo samundar ek chaal thi , ek chaal thi ye sikhane ki


akhir zindagi ke paath to padne hi honge
akaash mein udne ke sapne fir se dekhne padenge
sapne nai dekhenge to unhein poora kaise karenge
samajh mein aaya humein samundar mein rehke tairna bhi seekhna hoga aur udna bhi ,
ek nayi udan , ek naye padav se pehle samandar ke ander ke shor se bhi guzarna hoga
samajh mein ye aaya ki ye  bavandar ye samandar mere hi jeevan ke atoot hisse hain
har kisi ke naam maine hi to chune hain ,
ab kuch naya karna hai, na kisi ko bavandar samajhna hai , na kisi ko samudra
sab mein bhagwan hain, sab mein zindagi ke path hain
intezar mein mai hoon inka nichod apne andar le jane ke liye
naya saal ka naya tohfa dil aur jaan , tan aur mun se sweekar karne ke liye
ummeeed hai nayi subha asha ki nayi kirne hi layegi
agar barsaat bhi aayegi to keval khushiyan hi barsayegi
is aane wali zindagi ko aur behtar aur khushnuma banayegi"